Da nus

Illa tuor medievela, chi‘s rechatta i’l cour da Samedan, as po visiter exposiziuns alternantas d’artisanat, da design, d’architectura e da construcziun d’abitedis. Ils temas vegnan sviluppos dals curatuors e las curaturas in relaziun specifica cul lö e s’occupan dal passo, dal preschaint e dal futur dal Grischun dal Süd.

Il böt es d’elavurer l’istorgia e las istorgias da l’ambiaint fabricho, da musser, cu ch’artisanat tradiziunel vain vivieu hoz illa regiun, cu cha design contemporaun interpretescha il vegl e che fuormas da viver, decisiuns e ‹discurs’ chi haun furmo e fuorman la cuntredgia culturela.

L’exposiziun as drizza ad indigens e giasts, amatuors d’architectura ed interessentas da design, a laics scu eir a perits.

Accumpagno da referats, guidas ed excursiuns sto il barat activ e vivas-ch I’l center.